കണ്ണൂർ: അസംഘടിത മേഖലയിലെ തൊഴിലാളികളുടെ ദേശീയ വിവരശേഖരണത്തിനുള്ള ഇ-ശ്രം പോര്ട്ടലില് ജില്ലയില് ഇതുവരെ രജിസ്റ്റര് ചെയ്തത് 3,17,704 പേര്. 16നും 59നും ഇടയില് പ്രായമുള്ള ഇപിഎഫ്, ഇഎസ്ഐ ആനുകൂല്യങ്ങള് ഇല്ലാത്തവരും ഇന്കം ടാക്സ് പരിധിയില് വരാത്തവരുമായ അസംഘടിത മേഖലയിലെ തൊഴിലാളികളാണ് പോര്ട്ടലില് രജിസ്റ്റര് ചെയ്യേണ്ടത്. 31 ആണ് രജിസ്റ്റര് ചെയ്യാനുള്ള അവസാന തീയതി. നിലവില് ലഭിക്കുന്ന ആനുകൂല്യങ്ങള്ക്ക് രജിസ്ട്രേഷന് ബാധമാകുന്നില്ലെങ്കിലും സര്ക്കാര് നല്കുന്ന എല്ലാ ആനുകൂല്യങ്ങള്ക്കും രജിസ്ട്രേഷന് നിര്ബന്ധമാക്കും.
രജിസ്റ്റര് ചെയ്ത എല്ലാവര്ക്കും പി എം എസ് ബി വൈ പ്രകാരമുള്ള ഇന്ഷ്വറന്സ് ലഭ്യമാകും. ജില്ലയിലെ എല്ലാ തദ്ദേശ സ്വയംഭരണ സ്ഥാപനങ്ങളിലും വാര്ഡുതലത്തില് എല്ലാ ദിവസവും രജിസ്ട്രേഷന് ക്യാമ്പുകള് നടത്തുന്നുണ്ട്.