കണ്ണൂര്‍: പൊതുമേഖല ബാങ്കുകളെ സ്വകാര്യവത്കരിക്കാനുള്ള ബാങ്കിംഗ് നിയമഭേദഗതി ഉപേക്ഷിക്കണമെന്നാവശ്യപ്പെട്ട് യുണൈറ്റഡ് ഫോറം ഓഫ് ബാങ്ക് യൂണിയന്‍ ജിവനക്കാര്‍ നടത്തിയ ദ്വിദിന പണിമുടക്ക് ജില്ലയിൽ പൂര്‍ണം. ജില്ലയിലെ പൊതുമേഖല, സ്വകാര്യ ഗ്രാമീണ ബാങ്കുകള്‍ അടഞ്ഞു കിടന്നു. രണ്ടാം ദിവസമായ ഇന്നലെ ഫോര്‍ട്ട് റോഡിലെ സിന്‍ഡിക്കേറ്റ് ബാങ്കിന് മുമ്പില്‍ പൊതുമേഖല സംരക്ഷണ മനുഷ്യ മഹാശൃംഖല തീര്‍ത്തു. കെ.വി. സുമേഷ് എംഎൽഎ ഉദ്ഘാടനം ചെയ്തു. കണ്ണൂർ ടെലിഫോൺ ഭവൻ മുന്നിൽ നടത്തിയ പ്രകടനത്തിൽ ബിഎസ്എൻഎൽ ഇയു സംസ്ഥാന പ്രസിഡന്‍റ് പി മനോഹരൻ ,സംസ്ഥാന അസി.സെക്രട്ടറി പി.ടി. ഗോപാലകൃഷ്ണൻ, ജില്ലാ സെക്രട്ടറി ബി.അശോകൻ എന്നിവർ പ്രസംഗിച്ചു.
ബാങ്ക് പണിമുടക്ക് പൂര്‍ണം
