കണ്ണൂർ: കൊറോണ വൈറസിന്റെ ഒമിക്രോൺ വകഭേദം കണ്ടെത്തിയ പശ്ചാത്തലത്തില് ജാഗ്രതാ നടപടികള് ഊര്ജിതമാക്കാന് ജില്ലാ ദുരന്തനിവാരണ അഥോറിറ്റി യോഗം തീരുമാനിച്ചു. കണ്ണൂര് വിമാനത്താവളത്തില് പരിശോധന കര്ശനമാക്കും. ആവശ്യമെങ്കില് സ്വകാര്യ ആശുപത്രികളില് പെയ്ഡ് ക്വാറന്റൈന് സൗകര്യം ഏര്പ്പെടുത്തും. മുമ്പ് എഫ്എല്ടിസിയായി പ്രവര്ത്തിച്ച മുണ്ടയാട് സ്റ്റേഡിയത്തിലെ വൈദ്യുതി ബില്, വാട്ടർ ബിൽ ഇനത്തില് ചെലവായ തുക യോഗം അംഗീകരിച്ചു. പട്ടുവത്ത് കുന്നിടിച്ചില് പഠനം നടത്തിയ വകയില് എന്ഐടിക്ക് നല്കാനുള്ള തുകയും യോഗം അംഗികരിച്ചു.
ജില്ലാ കളക്ടര് എസ്.ചന്ദ്രശേഖറിന്റെ അധ്യക്ഷതയില് ഓണ്ലൈനായാണ് യോഗം ചേര്ന്നത്.
previous post