കണ്ണൂർ: കേരളത്തോടുള്ള അവഗണന തുടർന്ന് ദക്ഷിണ റെയിൽവേ.ശനിയാഴ്ച തമിഴ്‌നാടിന് ഒമ്പത് പാസഞ്ചർ ട്രെയിനുകൾ പ്രഖ്യാപിച്ചപ്പോൾ കേരളത്തിനായി ഒന്നുപോലും അനുവദിച്ചില്ല. കേരളത്തിൽ കോവിഡ് വ്യാപനം ശക്തമായതാണ് പാസഞ്ചർ ട്രെയിനുകൾ അനുവദിക്കുന്നതിന് തടസമെന്നാണ് വാദം. ഇതോടെ കേരളത്തിൽ കൂടുതൽ പാസഞ്ചർ ട്രെയിനുകൾ ആരംഭിക്കുമെന്ന ദക്ഷിണ റെയിൽവേയുടെ ഉറപ്പ് പാഴ്‌വാക്കായി.
ദക്ഷിണ റെയിൽവേ ജനറൽ മാനേജരുടെ നേതൃത്വത്തിൽ നടത്തിയ ചർച്ചയിൽ തമിഴ്നാടിനോടൊപ്പം കേരളത്തിലും ദീപാവലിക്കുശേഷം കൂടുതൽ പാസഞ്ചർ ട്രെയിനുകൾ ആരംഭിക്കുമെന്നും എക്‌സ്‌പ്രസ്‌ ട്രെയിനുകളിൽ റിസർവേഷനില്ലാത്ത കോച്ചുകൾ കൂട്ടിച്ചേർക്കുമെന്നും വാഗ്ദാനം ചെയ്തിരുന്നു. ഇതെല്ലാമാണ് പാഴ്‌വാക്കായത്.
അവഗണന സംബന്ധിച്ചുള്ള ചോദ്യത്തിന് കാത്തിരിക്കൂവെന്നാണ് റെയിൽവേ ഉന്നത ഉദ്യോഗസ്ഥർ പ്രതികരിച്ചത്.
തമിഴ്‌നാടിന് വീണ്ടും ഒന്പത് പാസഞ്ചർ ട്രെയിനുകൾ അനുവദിച്ച് റെയിൽവേ
