കണ്ണൂര്: കൂലി വര്ധന ആവശ്യപ്പെട്ട് ജില്ലയിലെ പാചകവാതക വിതരണ മേഖലയില് ജോലി ചെയ്യുന്ന ചുമട്ട് തൊഴിലാളികള് അനിശ്ചിതകാല പണിമുടക്കിലേക്ക്.
ഇന്നലെ ചേർന്ന ഫ്യുവല് എംപ്ലോയീസ് യൂണിയന് ജില്ലാ കമ്മിറ്റി യോഗത്തിന്റേതാണ് തീരുമാനം. തൊഴിലാളികളുടെ വേതന വ്യവസ്ഥകള് സംബന്ധിച്ചുള്ള കരാറിന്റെ കാലാവധി 2018 ഒക്ടോബര് 31 നു അവസാനിച്ചിരുന്നു.
തുടര്ന്ന് കൂലി വര്ധന അനുവദിക്കണമെന്നാവശ്യപ്പെട്ട് യൂണിയന് ഏജന്സികള്ക്ക് നോട്ടീസും നല്കിയിരുന്നു. ഇതു സംബന്ധിച്ച് തൊഴില്വകുപ്പ് അധികൃതര് നിരവധി തവണ അനുരഞ്ജന യോഗം വിളിച്ചെങ്കിലും മാനേജ്മെന്റിന്റെ പിടിവാശിയാണ് ചര്ച്ച അലസിപ്പിരിയാൻ കാരണമെന്നാണ് തൊഴിലാളി നേതാക്കൾ പറയുന്നത്.
യോഗത്തില് വൈസ് പ്രസിഡന്റ് എ.കെ. ഉമേഷ്ബാബു അധ്യക്ഷത വഹിച്ചു. കെ. അശോകന്, എ. പ്രേമരാജന് എന്നിവര് പ്രസംഗിച്ചു.
previous post