കേളകം പൂവത്തിൻ ചോല നിസാർ കവലക്ക് സമീപം കണ്ടം ചേരിയിൽ മിധുന്റെ ഉപയോഗ ശൂന്യമായ കിണറ്റിലാണ് 3 വയസ്സ് പ്രായമുളള പന്നിയുടെ ജഡം കണ്ടെത്തിയത്
പുഴു അരിച്ച നിലയിലായിരുന്നു പന്നിയുടെ ജഡം കണ്ടെത്തിയതെന്ന് വനം വകുപ്പ് അധികൃതർ പറഞ്ഞു
വനം വകുപ്പ് വാച്ചർമാർ പന്നിയെ പുറത്തെടുത്ത് കൊളക്കാട് വെറ്റനറി സർജൻ ജോൺസൻ പി ജോണിന്റെ നേതൃത്വത്തിൽ പോസ്റ്റ്മോർട്ടം നടത്തി വനം വകുപ്പ് ഉദ്യോഗസ്ഥർ മറവു ചെയ്തു. കൊട്ടിയൂർ ഫോറസ്റ്റ് ഓഫീസർ എ കെ സുരേന്ദ്രൻ ബീറ്റ് ഫോറസ്റ്റർ ഓഫീസർമാരായ കെ.വി ഷിജിൻ , ഷൈജു, വാച്ചർ മാരായ തോമസ് , ബിനോയി എന്നിവർ നേതൃത്വം നൽകി