ഒന്നാം വർഷ പ്രഫഷണൽ കോഴ്സുകൾക്കു പഠിക്കുന്ന വിമുക്ത ഭടന്മാരുടെ മക്കൾക്കും, യുദ്ധ സമാന സാഹചര്യങ്ങളിൽ മരിച്ച ജവാന്മാരുടെ വിധവകൾക്കും ആശ്രിതർക്കും നൽകിവരുന്ന പ്രധാനമന്ത്രിയുടെ സ്കോളർഷിപ്പിന് കേന്ദ്ര ആഭ്യന്തര മന്ത്രാലയം അപേക്ഷ ക്ഷണിച്ചു.
മുൻ കേന്ദ്ര സായുധ സേനാനികളുടെ വിധവകൾ, ആശ്രിതർ, യുദ്ധത്തിലോ, തെരഞ്ഞെടുപ്പ് ജോലിക്കിടയിലോ മരണമടയുകയോ, വൈകല്യം സംഭവിക്കുകയോ ചെയ്ത മുൻ സൈനികരുടെ വിധവകൾ, ആശ്രിതർ, ധീരതാ പുരസ്കാരം നേടിയവരുടെ ആശ്രിതർ തുടങ്ങിയവർക്ക് 2021-22 വർഷത്തെ സ്കോളർഷിപ്പിന് അപേക്ഷിക്കാം. ദേശീയ സ്കോളർഷിപ് പോർട്ടലായ www.scholorship.gov.in വഴിയാണ് അപേക്ഷിക്കേണ്ടത്. അവസാന തിയതി ഒക്ടോബർ 15.
പ്രവേശന യോഗ്യതയിൽ (പ്ലസ്ടു/ഡിപ്ലോമ /ബിരുദം ) 60% മാർക്ക് നേടിയിരിക്കണം. ഒരു കുടുംബത്തിലെ രണ്ടു കുട്ടികൾക്ക് വരെയാണ് സ്കോളർഷിപ്പ്. പെണ്കുട്ടികൾക്ക് മാസം 3,000 രൂപ എന്ന കണക്കിൽ വർഷം 36,000 രൂപയും ആണ്കുട്ടികൾക്ക് 2,500 വീതം വർഷം 30,000 രൂപയും ലഭിക്കും. കൂടുതൽ വിവരങ്ങൾക്കും മറ്റു നിബന്ധനകൾക്കും ഫോൺ: 011-23063111, ഇ- മെയിൽ: secywarb-mha@ni c.in