കണ്ണൂർ: ജില്ലയില്‍ നടപ്പാക്കുന്ന ഊര്‍ജിത കോവിഡ് വാക്സിനേഷന് ഡ്രൈവിന്‍റെ ഭാഗമായി ഇന്ന് മുഴുവന്‍ ആരോഗ്യ സ്ഥാപനങ്ങളിലും വാക്സിന്‍ നല്‍കുന്നതിനുള്ള സൗകര്യമൊരുക്കിയിട്ടുണ്ടെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ.കെ.നാരായണ നായ്ക് അറിയിച്ചു.സ്‌പോട്ട് അഡ്മിഷന്‍ വഴിയും ഓണ്‍ലൈന്‍ അലോട്ട്മെന്റ് മുഖേനയും വാക്സിന്‍ നല്‍കും. പൊതുജനങ്ങളുമായി നിരന്തരമായി സമ്പര്‍ക്കത്തിലേര്‍പ്പെടാന്‍ സാധ്യതയുള്ള തൊഴിലാളികള്‍, 18 വയസിന് മുകളിലുള്ള വിദ്യാര്‍ഥികള്‍, അതിഥി തൊഴിലാളികള്‍, നിര്‍മാണ തൊഴിലാളികള്‍, പട്ടിക വര്‍ഗ വിഭാഗക്കാര്‍, 18 വയസിന് മുകളിലുള്ള ഗുരുതര രോഗ ബാധിതര്‍, അധ്യാപകര്‍, അധ്യാപകരുടെ വീട്ടില്‍ താമസിക്കുന്ന കുടുംബാംഗങ്ങള്‍ എന്നിവര്‍ക്ക് മുന്‍ഗണന നല്‍കി കൊണ്ടാണ് വാക്സിനേഷന് ഡ്രൈവ് സംഘടിപ്പിക്കുന്നത്. ഓണ്‍ലൈന്‍ വഴി വാക്സിനേഷന് ലഭിക്കുന്നതിനായി cowin.gov.in വെബ്‌സൈറ്റ് സന്ദര്‍ശിച്ച് അലോട്ട്മെന്റ് ബുക്ക് ചെയ്യണം. സ്‌പോട്ട് അഡ്മിഷന്‍ വഴി വാക്സിനേഷന് ലഭിക്കുന്നതിനായി ആരോഗ്യ പ്രവര്‍ത്തകരേയോ ആശ പ്രവര്‍ത്തകരേയോ ബന്ധപ്പെടേണ്ടതാണ്.60 വയസിനു മുകളില്‍ പ്രായമുള്ളവര്‍ വാക്സിനേഷന് എടുക്കാന്‍ ബാക്കിയുണ്ടെങ്കില്‍ അടിയന്തരമായി സമീപത്തുള്ള ആരോഗ്യ കേന്ദ്രത്തില്‍ അറിയിക്കണം. ഫോണ്‍: 8281599680, 8589978 405,8589978401.
ഇന്ന് ഊര്‍ജിത വാക്സിനേഷന് ഡ്രൈവ്
