കണ്ണൂർ: ജില്ലയില്‍ ഇന്ന് മൊബൈല്‍ ലാബ് സംവിധാനം ഉപയോഗിച്ച് സൗജന്യ കോവിഡ് 19 ആര്‍ടിപിസിആര്‍ പരിശോധന നടത്തും. ഇടമന യുപി സ്‌കൂള്‍ കണ്ടോന്താര്‍, പുന്നച്ചേരി സാംസ്‌കാരിക നിലയം, എകെജി വായനശാല എമ്പേറ്റ്, തോട്ടട നോര്‍ത്ത് എല്‍പി സ്‌കൂള്‍, പാനൂര്‍ നജാത്ത് എല്‍പി സ്‌കൂള്‍ എന്നിവിടങ്ങളില്‍ രാവിലെ 10 മുതല്‍ ഉച്ചകഴിഞ്ഞ് മൂന്നു വരെയും കരുവഞ്ചാല്‍ ചര്‍ച്ച് പാരിഷ് ഹാള്‍, കോട്ടൂര്‍ സബ്‌സെന്‍റര്‍, ബിപിഎച്ച്സി കീഴ്പ്പള്ളി എന്നിവിടങ്ങളില്‍ രാവിലെ 10 മുതല്‍ ഉച്ചയ്ക്ക് 12.30 വരെയും സെന്‍റ് ജോസഫ് യുപി സ്‌കൂള്‍ പുലികുറുമ്പ, കംബിലേരി അങ്കണവാടി, സെന്‍റ് ജോര്‍ജ് യുപി സ്‌കൂള്‍ കച്ചേരിക്കടവ് എന്നിവടങ്ങളില്‍ ഉച്ചയ്ക്ക് രണ്ടു മുതല്‍ വൈകുന്നേരം നാലു വരെയുമാണ് പരിശോധന. പൊതുജനങ്ങള്‍ക്ക് ഈ സൗകര്യം ഉപയോഗപ്പെടുത്തണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.
ആര്‍ടിപിസിആര്‍ പരിശോധന
