കൊ​ട്ടി​യൂ​ർ ബോ​യി​സ് ടൗ​ൺ പാ​ൽ​ച്ചു​രം ചുരം റോ​ഡി​ൽ മ​ല​വെ​ള്ളം കു​ത്തി​യൊ​ഴു​കി അ​പ​ക​ട കു​ഴി​ക​ൾ രൂ​പ​പ്പെ​ട്ടു

കൊ​ട്ടി​യൂ​ർ: കൊ​ട്ടി​യൂ​ർ ബോ​യി​സ് ടൗ​ൺ പാ​ൽ​ച്ചു​രം ചുരം റോ​ഡി​ൽ മ​ല​വെ​ള്ളം കു​ത്തി​യൊ​ഴു​കി അ​പ​ക​ട കു​ഴി​ക​ൾ രൂ​പ​പ്പെ​ട്ടു. ആ​ശ്ര​മം ജം​ക്ഷ​നും – ചെ​കു​ത്താ​ൻ തോ​ടി​നു ഇ​ട​യി​ലാ​യാ​ണ് ഈ ​അ​പ​ക​ട കു​ഴി​ക​ൾ. വീ​തി കു​റ​ഞ്ഞ ഈ ​ഭാ​ഗ​ങ്ങ​ളി​ൽ കു​ഴി​ക​ൾ മൂ​ലം വാ​ഹ​ന ഗ​താ​ഗ​ത​വും ഭാ​ഗി​ക​മാ​യി ത​ട​സ​പെ​ടു​ന്നു​ണ്ട്. റോ​ഡി​ലെ കാ​ന​ക​ളി​ൽ ക​ല്ലു​ക​ൾ വ​ന്ന​ടി​ഞ്ഞ് മ​ല​വെ​ള്ളം കു​ത്തി​യൊ​ഴു​കി​യാ​ണ് വ​ൻ കു​ഴി​ക​ൾ രൂ​പ​പ്പെ​ട്ട​ത്.
2018ലെ ​പ്ര​ള​യ​ത്തി​ൽ പാ​ർ​ശ്വ​ഭി​ത്തി ഇ​ടി​ഞ്ഞ് പോ​യ ഭാ​ഗ​മാ​യ​തി​നാ​ൽ കു​ഴി​ക​ളു​ടെ എ​തി​ർ​ഭാ​ഗ​ത്ത് അ​പ​ക​ട ഭീ​ഷ​ണി നി​ല​നി​ൽ​ക്കു​ന്നു. കെ​എ​സ്ആ​ർ​ടി​സി ബ​സു​ക​ൾ, ച​ര​ക്ക് ലോ​റി​ക​ള​ട​ക്കം നി​ര​വ​ധി വാ​ഹ​ന​ങ്ങ​ളു​മാ​ണ് ഇ​തു വ​ഴി ക​ട​ന്നു പോ​കു​ന്ന​ത്. നി​ര​വ​ധി വാ​ഹ​ന​ങ്ങ​ൾ രാ​ത്രി​യി​ൽ ഈ ​കു​ഴി​ക​ളി​ൽ വീ​ഴു​ന്ന​തും പ​തി​വാ​ണ്. അ​പ​ക​ട കു​ഴി​ക​ൾ അ​ടി​യ​ന്ത​ര​മാ​യി അ​റ്റ​കു​റ്റ​പ​ണി​ക​ൾ ന​ട​ത്ത​ണ​മെ​ന്നാ​ണ് യാ​ത്ര​ക്കാ​രു​ടെ​യും, നാ​ട്ടു​കാ​രു​ടെ​യും ആ​വ​ശ്യം .