പലിശ നിരക്കിൽ മാറ്റം വരുത്താതെ റിസർവ് ബാങ്ക് പുതിയ വായ്പാ നയം പ്രഖ്യാപിച്ചു. നിലവിൽ റിപ്പോ നിരക്ക് നാല് ശതമാനവും റിവേഴ്സ് റിപ്പോ നിരക്ക് 3.35 ശതമാനവുമാണ്.
നടപ്പു സാമ്പത്തിക വർഷത്തിലെ പണപ്പെരുപ്പ അനുമാനം 5.7 ശതമാനമാക്കി പുതുക്കി. നേരത്തെ 5.1 ശതമാനമെന്നായിരുന്നു കണക്കാക്കിയിരുന്നത്. വളർച്ചാനിരക്ക് ഒൻപതര ശതമാനമാക്കി നിലനിർത്തിയിട്ടുണ്ട്.
കോവിഡ് പ്രതിസന്ധിയിൽ നിന്നും രാജ്യം കരകയറുകയാണെന്നും വിപണിയിൽ ഉണർവ് പ്രകടമാകുന്നുണ്ടെന്നും വിലയിരുത്തിയാണ് ആർബിഐ പലിശ നിരക്കിൽ മാറ്റം വരുത്താതിരുന്നത്.