ഓണക്കാലത്ത് സംസ്ഥാനമൊട്ടാകെ 1484 ഫെയറുകൾ നടത്തുമെന്ന് മന്ത്രി ജി.ആർ. അനിൽ. എല്ലാ ഓണം മേളകളിലും സബ്സിഡി-സബ്സിഡി ഇതര ഉത്പന്നങ്ങൾ ലഭ്യമാക്കും. ഓണക്കാലത്ത് സപ്ലൈകോ മുഖേന 11 ന് ആരംഭിച്ച് 20 ന് സമാപിക്കുന്ന തരത്തിലാണ് ജില്ലാതല ഓണച്ചന്തകൾ തുടങ്ങുന്നത്.
75 താലൂക്ക് ഫെയറുകൾ, മറ്റ് നിയമസഭാമണ്ഡലങ്ങൾ കേന്ദ്രീകരിച്ചുള്ള 60 ഓണച്ചന്തകൾ എന്നിവ പ്രമുഖ സപ്ലൈകോ വില്പനശാലകളോട് അനുബന്ധിച്ച് തുടങ്ങും. ഇവ ഓഗസ്റ്റ് 16 ന് ആരംഭിച്ച് 20 ന് സമാപിക്കും. ഈ കാലയളവിൽ സപ്ലൈകോയുടെ മറ്റ് വിൽപനശാലകളെല്ലാം ഓണം മിനിഫെയറുകളായി പ്രവർത്തിക്കും.