മട്ടന്നൂർ: കോവിഡ് ടിപിആർ മട്ടന്നൂർ നഗരസഭ സി വിഭാഗത്തിൽ ഉൾപ്പെട്ടതിനാൽ നിയന്ത്രണങ്ങൾ ഏർപ്പെടുത്തി. 10.9 ശതമാനമാണ് ടിപി ആർ. പൊതുകാര്യാലയങ്ങൾക്കും സ്ഥാപനങ്ങൾക്കും 50 ശതമാനം ജീവനക്കാരെ ഉൾപ്പെടുത്തി പ്രവർത്തിക്കാം. അവശ്യ സാധനങ്ങളുടെ കടകൾക്ക് എല്ലാ ദിവസവും രാവിലെ ഏഴു മുതൽ രാത്രി എട്ടുവരെ പ്രവർത്തിക്കാം. നിർമാണ സാമഗ്രികൾ, കാർഷിക അസംസ്കൃത വസ്തുക്കൾ എന്നിവ വിൽക്കുന്ന കടകൾക്കും വാഹന റിപ്പയറിംഗ് നടത്തുന്ന കടകൾക്കും ശനി, ഞായർ ഒഴികെയുള്ള ദിവസങ്ങളിൽ തുറക്കാം.
തുണി, സ്വർണം, ചെരുപ്പ് , കുട്ടികൾക്കുള്ള പുസ്തകങ്ങൾ എന്നിവ വിൽക്കുന്ന കടകൾക്കും ഇലക്ട്രോണിക്സ് കടകൾക്കും വെള്ളിയാഴ്ച മാത്രം രാവിലെ ഏഴു മുതൽ എട്ടുവരെ പ്രവർത്തിക്കാമെന്ന് ചെയർപേഴ്സൺ അനിത വേണു അറിയിച്ചു. ഹോട്ടലുകളിൽ പാർസൽ സർവീസിന് മാത്രമാണ് അനുമതി.