കൊട്ടിയൂർ പഞ്ചായത്തിലെ വിവിധ മേഖലകളിൽ വന്യമൃഗശല്യം രൂക്ഷമാകുന്ന സാഹചര്യത്തിൽ പഞ്ചായത്ത് , വനംവകുപ്പ് , കർഷക പ്രതിനിധികൾ എന്നിവരുടെ നേതൃത്വത്തിൽ ജനജാഗ്രതാ സമിതി യോഗം ചേർന്നു . വന്യമൃഗശല്യം കുറയ്ക്കുന്നതിനായി തകർന്നുകിടക്കുന്ന ഫെൻസിങ് എത്രയും പെട്ടെന്ന് തന്നെ പുനസ്ഥാപിക്കുന്നതിനും , വന്യമൃഗശല്യം രൂക്ഷമായ വനാതിർത്തി പ്രദേശങ്ങളിൽ സോളാർ ലൈറ്റുകൾ സ്ഥാപിക്കുന്നതിനും , വന്യമൃഗങ്ങൾ വളർത്തുമൃഗങ്ങളെ ആക്രമിക്കുന്ന സ്ഥലങ്ങളിൽ സിസിടിവി ക്യാമറകൾ സ്ഥാപിക്കാനും , വനാതിർത്തികളിൽ സ്ഥാപിച്ചിരിക്കുന്ന വൈദ്യുതി വേലിയുടെ മേൽനോട്ടത്തിനായി താൽക്കാലിക വാച്ചർമാരെ നിയമിക്കുന്നതിനും യോഗത്തിൽ തീരുമാനമായിട്ടുണ്ട് . വന്യമൃഗ ശല്യത്തിനുള്ള ശാശ്വത പരിഹാരം എന്നോണം വനാതിർത്തികളിൽ റെയിൽ ഫെൻസിംഗ് ആന മതിൽ , ഹാങ്ങിങ് ഫെൻസിംഗ് എന്നിവ നിർമ്മിക്കുന്നതിനായി ബന്ധപ്പെട്ട അധികാരികൾക്ക് വീണ്ടും നിവേദനം നൽകുന്നതിനും തീരുമാനിച്ചു . കൊട്ടിയൂർ ഫോറസ്റ്റ് റേഞ്ച് ഓഫീസർ സുധീർ നരോത്ത് , പഞ്ചായത്ത് വൈസ് പ്രസിഡണ്ട് ഫിലോമിന തുമ്പൻ തുരുത്തിയിൽ , പഞ്ചായത്ത് സെക്രട്ടറി കെ.കെ. സത്യൻ , പഞ്ചായത്ത് അംഗങ്ങളായ ഉഷ അശോക് കുമാർ , ഷാജി പൊട്ടയിൽ , പി.സി. തോമസ് , ഷേർലി പടിയാനിക്കൽ , ബാബു കാരുവേലിൽ , തോമസ് ആമക്കാട് , ബാബു മാങ്കോട്ടിൽ മണത്തണ സെക്ഷൻ ഫോറസ്റ്റ് ഓഫീസർ സി.കെ. മഹേഷ് , കൊട്ടിയൂർ സെക്ഷൻ ഫോറസ്റ്റ് ഓഫീസർ ഇ.കെ. സുധീഷ് തുടങ്ങിയവർ പങ്കെടുത്തു