കോവിഡിന്റെ മൂന്നാംതരംഗം രാജ്യത്ത് അടുത്തമാസം മധ്യത്തോടെ തുടങ്ങിയേക്കുമെന്ന് എസ്ബിഐ റിസർച്ചിന്‍റെ പഠന റിപ്പോർട്ട്. സെപ്റ്റംബറിൽ മൂന്നാം തരംഗം ഉച്ചസ്ഥായിയിൽ എത്തുമെന്നും റിപ്പോർട്ട് സൂചിപ്പിക്കുന്നു. രണ്ടാം തരംഗം അവസാനിക്കുന്നതിനു മുന്പുതന്നെ മൂന്നാം തരംഗം തുടങ്ങുമെന്നാണ് റിപ്പോർട്ടിലെ പ്രവചനം.
മൂന്നാം തരംഗത്തിൽ നിന്നും രക്ഷപ്പെടാനുള്ള ഏക മാർഗം വാക്സിനേഷൻ മാത്രമാണെന്നാണ് റിപ്പോർട്ട് പറയുന്നത്. രണ്ടാം തരംഗം മേയ് മാസത്തിലാണ് രൂക്ഷമായത്.
ഈമാസം രണ്ടാം വാരത്തോടെ കോവിഡ് കേസുകൾ ഗണ്യമായി കുറയുമെന്നും റിപ്പോർട്ട് പറയുന്നു. എന്നാൽ അടുത്തമാസം മധ്യത്തോടെ കേസുകൾ വീണ്ടും ഉയരുമെന്നാണ് റിപ്പോർട്ട് വ്യക്തമാക്കുന്നത്.