പയ്യാവൂർ: സജീവ് ജോസഫ് എംഎൽഎ യുടെ നേതൃത്വത്തിൽ മണ്ഡലത്തിലെ വിദ്യാഭ്യാസ -തൊഴിലവസരങ്ങൾ പ്രോത്‌സാഹിപ്പിക്കുന്നതിന് ലക്ഷ്യം വയ്ക്കുന്ന ‘ദിശാ ദർശൻ’ പദ്ധതിയുടെ ഭാഗമായുള്ള ഓൺലൈൻ കരിയർ ഗൈഡൻസ് പ്രോഗ്രാം നാലിന് ഉന്നത വിദ്യാഭ്യാസ മന്ത്രി ഡോ. ആർ. ബിന്ദു ഉദ്ഘാടനം ചെയ്യും. രാത്രി ഏഴിന് ഓൺലൈനായി നടക്കുന്ന പരിപാടിയിൽ മണ്ഡലത്തിലെ ഹൈസ്കൂൾ മുതൽ ഡിഗ്രി തലം വരെ പഠനം നടത്തുന്ന വിദ്യാർഥികളും അവരുടെ രക്ഷിതാക്കളും പങ്കെടുക്കും.
കേരളത്തിലെ പ്രശസ്ത കരിയർ ഗുരു ഡോ. ഐസക് തോമസ് ക്ലാസുകൾക്ക് നേതൃത്വം നൽകും. ലോകത്തിന്‍റെ നാനാഭാഗങ്ങളിൽ വ്യത്യസ്ത മേഖലകളിൽ കഴിവ്‌ തെളിയിച്ച പ്രഗത്ഭരും പരിപാടിയിൽ പങ്കെടുക്കും. ഓൺലൈനായി സൂം പ്ലാറ്റ്ഫോമിൽ നടക്കുന്ന പരിപാടി, എംഎൽഎ യുടെ ഫേസ്ബുക്ക് പേജിലും ലൈവ് ആയി കാണാനുള്ള അവസരമുണ്ടാവും.
വിദ്യാർഥികൾക്കും യുവജനങ്ങൾക്കും മികച്ച പഠനാവസരങ്ങളും തൊഴിൽ സാഹചര്യങ്ങളും സൃഷ്ടിക്കുന്ന തുടർ പദ്ധതികളും ‘ദിശാ ദർശന്‍റെ ഭാഗമായുണ്ടാവും. മീറ്റിംഗ് ഐഡി: 997 6687 8264. പാസ് കോഡ്: 677756.
‘ദിശാ ദർശൻ’ ഓൺലൈൻ കരിയർ ഗൈഡൻസ് പ്രോഗ്രാം
