പറശിനിക്കടവ്: പറശിനിക്കടവ് ശ്രീ മുത്തപ്പന്‍ മടപ്പുരയില്‍ ഭക്തജനങ്ങള്‍ക്ക് തിങ്കളാഴ്ച മുതല്‍ പ്രവേശനം നല്‍കാന്‍ തീരുമാനം. രാവിലെ ഏഴു മുതല്‍ രാത്രി ഏഴുവരെ ഭക്തജനങ്ങള്‍ക്ക് മടപ്പുരയ്ക്ക് അകത്ത് ദര്‍ശന സൗകര്യം ഉണ്ടായിരിക്കും. തിരുവപ്പന വെള്ളാട്ടം, കുട്ടികള്‍ക്കുള്ള ചോറൂണ്‍ എന്നിവ ഉണ്ടായിരിക്കില്ല. ചായ, പ്രസാദം, താമസ സൗകര്യം എന്നിവ നല്‍കുന്നതല്ല. വഴിപാട് കൗണ്ടര്‍ രാവിലെ ഏഴു മുതല്‍ രാത്രി ഏഴുവരെ പ്രവര്‍ത്തിക്കുന്നതാണ്. ഭക്തജനങ്ങള്‍ കോവിഡ് പ്രതിരോധ നടപടികള്‍ കൃത്യമായും പാലിച്ചുകൊണ്ട് ദര്‍ശനം നടത്തേണ്ടതാണ്.
പറശിനിക്കടവില്‍ തിങ്കളാഴ്ച മുതല്‍ ഭക്തര്‍ക്ക് പ്രവേശനം.
