കണ്ണൂർ: ജില്ലയില് മൊബൈല് ലാബ് സംവിധാനം ഉപയോഗിച്ച് ഇന്ന് സൗജന്യ കോവിഡ് -19 ആര്ടിപിസിആര് പരിശോധന നടത്തും.
രാധാവിലാസം യുപി സ്കൂൾ പള്ളിക്കുന്ന്, മാത്തിൽ ഹൈസ്കൂൾ, കാങ്കോൽ, കുറുമാത്തൂർ സൗത്ത് യുപി സ്കൂൾ, തുരുത്തി, ഒടുവള്ളിത്തട്ട് ആരോഗ്യ കേന്ദ്രം എന്നിവിടങ്ങളില് രാവിലെ 10 മുതല് വൈകുന്നേരം നാലു വരെയും സൺഡേ സ്കൂൾ ഓടന്തോട് ചർച്ച് കണിച്ചാർ, തളിപ്പറമ്പ താലൂക്കാശുപത്രി എന്നിവിടങ്ങളിൽ രാവിലെ 10 മുതല് ഉച്ചയ്ക്ക് 12.30 വരെയും പ്രാഥമികാരോഗ്യകേന്ദ്രം കൊട്ടിയൂർ, പട്ടുവം യുപി സ്കൂൾ എന്നിവിടങ്ങളിൽ ഉച്ചയ്ക്ക് രണ്ടു മുതല് വൈകുന്നേരം നാലു വരെയുമാണ് സൗജന്യ കോവിഡ് പരിശോധനയ്ക്ക് സൗകര്യമൊരുക്കിയിരിക്കുന്നത്.
പൊതുജനങ്ങള് ഈ സൗകര്യം ഉപയോഗപ്പെടുത്തണമെന്ന് ജില്ലാ മെഡിക്കല് ഓഫീസര് (ആരോഗ്യം) അറിയിച്ചു.