കോവിഡ് വ്യാപനത്തെത്തു‌ടർന്ന് ഇന്ത്യയുൾപ്പെടെയുള്ള രാജ്യങ്ങൾക്ക് ഏർപ്പെടുത്തിയ പ്രവേശന വിലക്ക് കുവൈറ്റ് നീക്കുന്നു. വാക്സിൻ സ്വീകരിച്ച കുവൈറ്റ് താമസ വീസയുള്ള വിദേശികൾക്ക് ഓഗസ്റ്റ് ഒന്ന് മുതൽ രാജ്യത്തേക്ക് പ്രവേശിക്കാം.
കുവൈത്ത് അംഗീകരിച്ച വാക്‌സിന്‍ സ്വീകരിച്ചവര്‍ക്കാണ് ഉപാധികളോടെ രാജ്യത്തേക്ക് വരാന്‍ അനുമതിയുള്ളത്. ഫൈസര്‍, ആസ്ട്രസെനക, മൊഡേണ, ജോണ്‍സണ്‍ ആന്‍ഡ് ജോണ്‍സണ്‍ എന്നിവയാണ് കുവൈത്ത് അംഗീകരിച്ച വാക്‌സിനുകൾ. ഈ വാക്സിന്‍റെ രണ്ട് ഡോസും എടുത്തവർക്കാണ് കുവൈറ്റ് പ്രവേശനനാനുമതി നൽകിയിരിക്കുന്നത്.
അതേസമയം, ഭാരത് ബയോടെക്കിന്‍റെ കൊവാക്‌സിന് കുവൈറ്റ് അംഗീകാരം നൽകിയിട്ടില്ല. ഈ വാക്സിൻ എടുത്തവർക്ക് കുവൈറ്റിലേക്ക് പ്രവേശിക്കാൻ അനുമതിയില്ല.