ഇരിട്ടി: പായം പഞ്ചായത്തിലെ ആധുനിക ശ്മശാനത്തിന്‍റെ നിര്‍മാണം പൂര്‍ത്തിയാക്കാത്തതില്‍ പ്രതിഷേധിച്ച് കോണ്‍ഗ്രസ് പായം മണ്ഡലം കമ്മിറ്റിയുടെ നേതൃത്വത്തില്‍ ശ്മശാനത്തിനു മുന്നില്‍ പ്രതിഷേധസമരം സംഘടിപ്പിച്ചു.
പ്രത്യേക സാഹചര്യം കണക്കിലെടുത്തെങ്കിലും ഉടന്‍ പൂര്‍ത്തീകരിക്കണമെന്ന ആവശ്യവുമായാണ് പായം കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ കോളിക്കടവ് കോറമുക്കിലുള്ള ശ്മശാനത്തിന് മുന്നില്‍ പ്രതിഷേധ സമരം നടത്തിയത്. ബ്ലോക്ക് കോണ്‍ഗ്രസ് പ്രസിഡന്‍റ് തോമസ് വര്‍ഗീസ് ഉദ്ഘാടനം ചെയ്തു. മണ്ഡലം പ്രസിഡന്‍റ് റയീസ് കണിയറക്കല്‍ അധ്യക്ഷത വഹിച്ചു.
സണ്ണി തറയില്‍, നിവില്‍ ഇമ്മാനുവേല്‍, ശ്രീജിത്ത്, നാരായണന്‍ പെരുമ്പറമ്പ് തുടങ്ങിയവര്‍ പ്രസംഗിച്ചു.