തലശേരി: ചെറുപുഷ്പ മിഷൻലീഗ് തലശേരി അതിരൂപത സമിതിയുടെ 61- ാം വാർഷികം ഇന്നു രാവിലെ പത്തിന് സൂം ആപ്ലിക്കേഷനിലൂടെ നടത്തും. ആർച്ച്ബിഷപ് മാർ ജോർജ് ഞറളക്കാട്ട് ഉദ്ഘാടനം ചെയ്യും. അതിരൂപത പ്രസിഡന്‍റ് സുനിൽ കല്ലിടുക്കിൽ അധ്യക്ഷത വഹിക്കും. സംസ്ഥാന ഡയറക്‌ടർ റവ. ഡോ. ജോബി പൂച്ചുകണ്ടത്തിൽ മുഖ്യപ്രഭാഷണം നടത്തും. അതിരൂപത സെക്രട്ടറി ജയ്സൺ പുളിച്ചുമാക്കൽ 2019-20 വർഷത്തെ പ്രവർത്തനറിപ്പോർട്ട് അവതരിപ്പിക്കും. അതിരൂപത മുൻ ഡയറക്‌ടർ ഫാ. ജോസഫ് വേങ്ങക്കുന്നേൽ, മലബാർ റീജണൽ ഓർഗനൈസർ ബേബി പ്ലാശേരി, കുന്നോത്ത് മേഖല പ്രസിഡന്‍റ് സജി കുളങ്ങരമുറിയിൽ, അതിരൂപത ജൂണിയർ പ്രസിഡന്‍റ് അമൽ സജി പനച്ചിക്കൽ എന്നിവർ പ്രസംഗിക്കും.
ജയ്സൺ മർക്കോസ് പാലയൂർപൂവത്തിങ്കൽ പ്രേഷിത അവാർഡ് ജേതാവ് ഷിജോ സ്രായിലിനെ ആദരിക്കും. ചെറുപുഷ്പ മിഷൻലീഗ് തലശേരി അതിരൂപത ഡയറക്‌ടർ ഫാ. ജോസഫ് വടക്കേപ്പറന്പിൽ സ്വാഗതവും അതിരൂപത ജനറൽ ഓർഗനൈസർ സുനിൽ ചെന്നിക്കര നന്ദിയും പറയും. മിഷൻ ആന്തത്തോടെ ചടങ്ങ് സമാപിക്കും. അതിരൂപതയിലെ 210 ശാഖകളിൽനിന്നും 16 മേഖലകളിൽനിന്നുമുള്ള ശാഖാ ഡയറക്‌ടർമാർ, വൈസ് ഡയറക്‌ടർമാർ, മേഖലാഭാരവാഹികൾ, മിഷൻലീഗ് അംഗങ്ങളുടെ പ്രതിനിധികൾ എന്നിവർ പങ്കെടുക്കും
ചെറുപുഷ്പ മിഷൻലീഗ് അതിരൂപത വാർഷികം ഇന്ന്
