ന്യൂഡൽഹി: രാജ്യത്ത് റഷ്യയിൽ നിന്നും ഇറക്കുമതി ചെയ്യുന്ന സ്പുട്നിക്-5 വാക്സിന്റെ ഒരു ഡോസിന് 995.40 രൂപ വില വരുമെന്ന് റിപ്പോർട്ടുകൾ. 5 ശതമാനം ജിഎസ്ടി ഉൾപ്പെടെയാണ് വാക്സിന്റെ വില. അതേസമയം വാക്സിൻ രാജ്യത്ത് തന്നെ നിർമ്മിക്കാനായാൽ വില കുറയാൻ സാധ്യതയുണ്ടെന്നും റിപ്പോർട്ടുകൾ സൂചിപ്പിക്കുന്നു. 91.6% ഫലപ്രാപ്തിയാണ് സ്പുട്നിക് അവകാശപ്പെടുന്നത്. ഇത് ഇന്ത്യയിൽ വിതരണം ചെയ്യുന്ന കോവാക്സിൻ, കോവിഷിൽഡ്
എന്നിവയെക്കാൾ ഫലപ്രാപ്തി ഉള്ളതാണെന്നും സ്പുട്നിക്-5 അവകാശപ്പെടുന്നു. അടുത്തയാഴ്ച മുതൽ വാക്സിൻ ലഭ്യമായി തുടങ്ങിയേക്കും. ഡോക്ടർ റെഡ്ഡീസ് ലബോറട്ടറീസാണ് ഇന്ത്യയിൽ സ്പുട്നിക് വാക്സിന്റെ നിർമാതാക്കൾ.
സ്പുട്നിക്-5 വാക്സിന്റെ ഒരു ഡോസിന് 995.40 രൂപ വില വരുമെന്ന് റിപ്പോർട്ടുകൾ….
