കണ്ണൂർ ജില്ലയിൽ ലോക്ഡൗൺ മാനദണ്ഡങ്ങൾ പോലീസ് ശക്തമായി നടപ്പാക്കി തുടങ്ങി. കണ്ണൂർ സിറ്റി പോലീസ് പരിധിയിൽ ശനി, ഞായർ ദിവസങ്ങളിലായി 187 കേസുകൾ വിവിധ പോലീസ് സ്റ്റേഷനുകളിലായി രജിസ്റ്റർ ചെയ്തു.
ശനിയാഴ്ച 100 കേസുകളും കൃത്യമായി മാസ്ക് ധരിക്കാത്തത്തിന് 285 പേർക്കെതിരേയും മറ്റ് കോവിഡ് നടപടികൾ പാലിക്കാത്തതിന് 48 പേർക്കെതിരേയും സാമൂഹിക അകലം പാലിക്കാത്തതിന് 105 പേർക്കെതിരേയും നിയമനടപടികൾ സ്വീകരിച്ചു. കൃത്യമായ രേഖകൾ ഇല്ലാതെ അനാവശ്യമായി വാഹനത്തിൽ പുറത്തിറങ്ങിയ 146 വാഹനങ്ങൾ പോലീസ് പിടികൂടി.
ഞായറായാഴ്ച 87 കേസുകളും കൃത്യമായി മാസ്ക് ധരിക്കാത്തത്തിന് 243 പേർക്കെതിരേ നടപടിയും മറ്റ് കോവിഡ് നടപടികൾ പാലിക്കാത്തതിന് 37 പേർക്കെതിരേയും സോഷ്യൽ ഡിസ്റ്റൻസ് പാലിക്കാത്തതിന് 76 പേർക്കെതിരേയും നിയമനടപടികൾ സ്വീകരിച്ചു. 72 വാഹനങ്ങളും പോലീസ് പിടികൂടി