കോവിഡ് അതിതീവ്ര വ്യാപനം നടക്കുന്ന സാഹചര്യത്തിലും ജനിതകമാറ്റം വന്ന വൈറസ് വളരെ പെട്ടന്ന് രോഗ സംക്രമണം നടത്തുമെന്നതിനാലും വോട്ടെണ്ണല് ദിനത്തില് എല്ലാവരും അതീവ ജാഗ്രത പാലിക്കണമെന്ന് ആരോഗ്യ മന്ത്രി കെ.കെ. ശൈലജ അറിയിച്ചു. തെരഞ്ഞെടുപ്പ് ഉദ്യോഗസ്ഥരും രാഷ്ട്രീയ പ്രവര്ത്തകരും പൊതുജനങ്ങളും എല്ലാവരും ഒരുപോലെ ശ്രദ്ധിക്കേണ്ടതാണ്.
വായുവിലുള്ള ചെറിയ കണങ്ങളില് കൂടി വൈറസ് പകരുന്നതിനാല് വോട്ടെണ്ണലുമായി ബന്ധപ്പെട്ട് ഇടപെടുന്ന എല്ലാവരും ഡബിള് മാസ്ക് ധരിക്കണം. സംസ്ഥാനത്ത് വ്യാപനത്തിലുള്ള സാര്സ് കൊവ് 2 ബി.1.1.7നെയും ബി.1.617നെയും പ്രതിരോധിക്കുവാന് ഇപ്പോള് നല്കിവരുന്ന വാക്സിനുകള്ക്ക് ശേഷിയുണ്ട്.
എന്നാല് ബഹുഭൂരിപക്ഷം ആള്ക്കാരും വാക്സിന് എടുക്കാത്ത സ്ഥിതിക്ക് ഏറെ ശ്രദ്ധിക്കേണ്ടതാണ്.