ഇരിട്ടി: ഇരിട്ടി താലൂക്ക് ആശുപത്രിയെ കോവിഡ് ആശുപത്രിയാക്കിയതിനു പുറമെ മൂന്ന് സിഎഫ്എൽടിസികളും ക്രമീകരിച്ചതായി ഇരിട്ടി നഗരസഭ അധ്യക്ഷ കെ.ശ്രീലത അറിയിച്ചു. സ്ത്രീകൾക്കു വേണ്ടി മാത്രമുള്ള സിഎഫ്എൽടിസിയായി ഇരിട്ടി എംജി കോളജ് വിമൻസ് ഹോസ്റ്റൽ നിശ്ചയിച്ചു. 40 കിടക്കകളുടെ സൗകര്യം ഉണ്ടാവും. ഉളിയിൽ നരയൻപാറ മൗണ്ട് ഫ്ളവർ ഇംഗ്ലീഷ് മീഡിയം സ്കൂൾ 100 കിടക്കകളുടെ സൗകര്യത്തോടെ യും കീഴൂർകുന്ന് പാലാപറമ്പിൽ നഗരസഭ അധീനതയിലുള്ള പകൽ വീട് വയോജനകേന്ദ്രം 10 കിടക്കകളുടെ സൗകര്യത്തോടെയും സിഎഫ്എൽടിയാക്കും. എസ്എസ്എൽസി പരീക്ഷ കഴിഞ്ഞാൽ ഇരിട്ടി ഹയർ സെക്കൻഡറി സ്കൂളും സിഎഫ്എൽടിസിയാക്കും.