കോവിഡ് വ്യാപനം അതിരൂക്ഷമായ ജില്ലയിൽ കൂടുതൽ നിയന്ത്രണങ്ങൾ ഏർപ്പെടുത്തി. വ്യാപാരസ്ഥാപനങ്ങളുടെ പ്രവർത്തന സമയം രാവിലെ ഏഴ് മുതൽ വൈകുന്നേരം അഞ്ച് വരെ ആക്കി ചുരുക്കി. തീയറ്ററുകളും മെയ് രണ്ടുവരെ അടച്ചിടും.
സിനിമാ ചിത്രീകരണവും നിരോധിച്ചു. ഹോട്ടലുകളിലും റസ്റ്റോറന്‍റുകളിലും പാഴ്സൽ സർവീസ് മാത്രമാക്കി. രാവിലെ ഏഴു മുതൽ രാത്രി ഒൻപതുവരെയാണ് പ്രവർത്തന സമയം. ജില്ലയിൽ ഇന്ന് 4468 പേർക്ക് ആണ് കോവിഡ് സ്ഥിരീകരിച്ചത്. 30 പ്രദേശങ്ങളെ കണ്ടെയ്ൻമെന്‍റ് സോണുകളായി പ്രഖ്യാപിച്ചിട്ടുണ്ട്.
നിയന്ത്രണങ്ങൾ
*ജില്ലയിൽ വാണിജ്യ വ്യാപാര സ്ഥാപനങ്ങൾ രാവിലെ ഏഴ് മുതൽ വൈകുന്നേരം അഞ്ച് വരെ മാത്രം
*ഹോട്ടലുകളിലും റസ്റ്റോറന്‍റുകളിലും രാവിലെ ഏഴു മുതൽ വൈകുന്നേരം ഒൻപതുവരെ പാഴ്സൽ സർവീസ് മാത്രം. ബാറുകൾക്കും കള്ളുഷാപ്പുകൾക്കും നിയന്ത്രണം ബാധകം.
*വിവാഹങ്ങളും മരണാനന്തര ചടങ്ങുകളും കോവിഡ് ജാഗ്രതാ പോർട്ടലിൽ രജിസ്റ്റർ ചെയ്യണം.
*വിവാഹങ്ങളിൽ പരമാവധി പങ്കെടുക്കാവുന്നത് 30 പേർ
*മരണാനന്തര ചടങ്ങുകളിൽ 20 പേർ
*കുടുംബയോഗങ്ങൾ ഉൾപ്പെടെ ഒരുതരത്തിലുള്ള ഒത്തുചേരലും അനുവദിക്കില്ല
*പാർക്കുകൾ, ക്ലബുകൾ എന്നിവ പ്രവർത്തിക്കാൻ പാടില്ല
*ജിനേഷ്യം, കായിക വിനോദങ്ങൾ, ടൂർണമെന്‍റുകൾ എന്നിവ നിരോധിച്ചു
*തീയറ്ററുകൾ മെയ് രണ്ടുവരെ പ്രവർത്തിക്കാൻ പാടില്ല. സിനിമാ ചിത്രീകരണവും നിരോധിച്ചു
*എസ്എസ്എൽസി, പ്ലസ്ടു പരീക്ഷകൾ ഒഴികെ മറ്റെല്ലാ പരീക്ഷകളും മാറ്റിവച്ചു