മാട്ടറ: മൂന്നാമത്തെ ഡ്രൈ ഡേയും പൊതുശുചീകരണവും നടത്തി മാട്ടറ വാർഡ്. മൂന്നാമത്തെ ഡ്രൈ ഡേ ആയ ഇന്നലെ വാർഡിലെ നാനൂറു വീടുകളിൽ നിന്നുമുള്ള മാലിന്യങ്ങൾ വാഹനത്തിൽ ശേഖരിച്ചു. പ്ലാസ്റ്റിക് ഒഴികെയുള്ളവ സംസ്കരിച്ചു. വീടുകളിൽ നിന്ന് ചാക്കിലാക്കി റോഡിൽ എത്തിച്ച മാലിന്യങ്ങൾ വാർഡ് കായിക വേദിയിലെ കുട്ടികൾ വാഹനങ്ങളിൽ പോയി ശേഖരിച്ചു.വീടുകളിൽ വേസ്റ്റ് ബിന്നുകൾ സ്ഥാപിക്കുന്ന പ്രവർത്തനവും പൂർത്തീകരിക്കുന്നത്തോടെ വാർഡ് സമ്പൂർണ ശുചിത്വ വാർഡായി ഉടൻ പ്രഖ്യാപിക്കും.
ജനുവരി 24 ന് ഡ്രൈ ഡേ ആചരിച്ച് ഗ്രാമത്തിലെ വീടുകളിൽ നിന്ന് 25 ടണ്ണിലധികം മാലിന്യങ്ങൾ നീക്കം ചെയ്തിരുന്നു. മാട്ടറ വാർഡ് ജാഗ്രതാ സമിതിയുടെ നേതൃത്വത്തിൽ നടന്ന പ്രവർത്തനത്തിന്റെ തുടർച്ചയായാണ് രണ്ടാമത് ഡ്രൈ ഡേ നടത്തിയത്. സുന്ദര മാട്ടറ പദ്ധതിയുടെ ഭാഗമായി ടൗൺ സൗന്ദര്യവത്കരണവും നടന്നു വരികയാണ്.
മാലിന്യ ശേഖരണത്തിന് വാർഡ് മെംബർ സരുൺ തോമസ്, കായികവേദി പ്രവർത്തകരായ അമൽ , സ്റ്റാർലിൻ സജി, സജോ ജോസഫ്, അബിൻ നിക്സൺ, ആൽബിൻ തോമസ്, അഖിൽ തോമസ്, എഡ്വിൻ മനോജ്, ശരത് ശശി എന്നിവർ നേതൃത്വം നൽകി.