സംസ്ഥാനത്ത് സ്വർണവില മുകളിലേക്ക് കുതിക്കുന്നു. ശനിയാഴ്ച പവന് 120 രൂപ വർധിച്ച് 35,320 രൂപയായി. ഗ്രാമിന് 15 രൂപ കൂടി 4,415 രൂപയിലെത്തി. ഈ മാസത്തെ ഏറ്റവും കൂടിയ വിലയാണ് ഇന്ന് രേഖപ്പെടുത്തിയത്.
ഏപ്രിൽ മാസത്തിൽ മാത്രം പവന് രണ്ടായിരം രൂപയാണ് കൂടിയത്. ഏപ്രിൽ ഒന്നിന് 33,320 രൂപയായിരുന്നു പവന്‍റെ വില. ആഗോള വിപണിയിലും ഈയാഴ്ച സ്വർണവിലയിൽ നാലു ശതമാനത്തിന്‍റെ വർധന രേഖപ്പെടുത്തി.
കോവിഡിന്‍റെ രണ്ടാംതരംഗവും ഉത്സവ, വിവാഹ സീസണിൽ സ്വർണത്തിന് ഡിമാൻഡ് വർധിച്ചതും രാജ്യത്തെ വിലവർധനയെ സ്വാധീനിച്ചതായാണ് വിലയിരുത്തുന്നത്.