കോവിഡുമായി ബന്ധപ്പെട്ടു സംസ്ഥാന മുഖ്യ തെരഞ്ഞെടുപ്പ് ഓഫീസറുടെ കാര്യാലയം അടച്ചതിനെത്തുടർന്നു നിയമസഭാ തെരഞ്ഞെടുപ്പിൽ വോട്ട് ചെയ്തവരുടെ അന്തിമകണക്ക് പുറത്തു വിട്ടില്ല. വോട്ടെടുപ്പുമായി ബന്ധപ്പെട്ട ജില്ലകളിൽ നിന്നുള്ള വിവരങ്ങൾ കളക്ടർമാർ പുറത്തു വിട്ടെങ്കിലും തെരഞ്ഞെടുപ്പു കമ്മീഷനിൽ നിന്നുള്ള ഏകോപിപ്പിച്ച വിവരങ്ങൾ നൽകിയിട്ടില്ല. കണക്കുകൾ സാധാരണ മാധ്യമങ്ങൾ വഴിയാണ് അറിയിച്ചി രുന്നത്.
ഇത്തവണ മാധ്യമങ്ങൾക്കു വിവരങ്ങൾ നൽകിയിട്ടില്ലെന്നു മാത്രമല്ല, കമ്മീഷന്‍റെ വെബ് സൈറ്റിലും കേരളത്തിന്‍റെ വിവരങ്ങൾ ലഭ്യമാക്കിയിട്ടില്ല. എന്നാൽ, കേരളത്തിനൊപ്പം വോട്ടെടുപ്പു നടന്ന മറ്റു സംസ്ഥാനങ്ങളിലെ വോട്ടിംഗ് വിവരങ്ങൾ അവിടങ്ങളിലെ മുഖ്യ തെരഞ്ഞെടുപ്പ് ഓഫീസർമാർ മാധ്യമങ്ങൾക്കു നൽകുകയും കേന്ദ്ര തെരഞ്ഞെടുപ്പു കമ്മീഷന്‍റെ വെബ്സൈറ്റിൽ പ്രസിദ്ധീകരിക്കുകയും ചെയ്തിട്ടുണ്ട്.