കണ്ണൂര്: ജില്ലയില് ഇന്ന് സര്ക്കാര് മേഖലയില് 86 ആരോഗ്യ കേന്ദ്രങ്ങളിലും പിണറായി ബഡ്സ് സ്കൂളിലും കോവിഡ് വാക്സിനേഷന് നല്കും. കൂടാതെ കണ്ണൂര് ജൂബിലി മിഷന് ഹാള് , പയ്യന്നൂര് ബോയ്സ് സ്കൂള്, കൂത്തുപറമ്പ് മുനിസിപ്പല് സ്റ്റേഡിയം പവലിയന്, അഞ്ചരക്കണ്ടി ഹൈസ്കൂള്, ചെറുകുന്ന് പുന്നച്ചേരി പിഎച്ച്സി എന്നിവ കോവിഡ് മെഗാ വാക്സിനേഷന് കേന്ദ്രങ്ങളായി പ്രവര്ത്തിക്കും.
സര്ക്കാര് വാക്സിനേഷന് കേന്ദ്രങ്ങള് കൂടാതെ 22 സ്വകാര്യ ആശുപത്രികളും ഇന്ന് വാക്സിനേഷന് കേന്ദ്രങ്ങളായി പ്രവര്ത്തിക്കും. വാക്സിനെടുക്കാനായി വാക്സിനേഷന് കേന്ദ്രത്തില് പോകുമ്പോള് ആധാര് കാര്ഡ് കൈയില് കരുതുക. ഇല്ലെങ്കില് മറ്റ് അംഗീകൃത ഫോട്ടോ പതിപ്പിച്ച തിരിച്ചറിയല് കാര്ഡ് കരുതണം.