തൊണ്ടർനാട് മട്ടിലയത്ത് മാവോയിസ്റ്റ് പോസ്റ്റർ. തെരഞ്ഞെടുപ്പ് ബഹിഷ്ക്കരിക്കണമെന്നാണ് പോസ്റ്ററിലെ നിർദേശം. വ്യാഴാഴ്ച രാത്രിയാണ് പോസ്റ്ററികൾ പ്രത്യക്ഷപ്പെട്ടത്.
കോണ്‍ഗ്രസിന്‍റെ മൃദുഹിന്ദുത്വത്തിനും സിപിഐഎമ്മിന്‍റെ അവസരവാദ രാഷ്ട്രീയത്തിനും ബ്രാഹ്മണിക്കല്‍ ഹിന്ദുത്വ ഫാസിസത്തെ ചെറുക്കാന്‍ കഴിയില്ലെന്നും ഇതിനാല്‍ വോട്ട് ബഹിഷ്‌കരിച്ച് സായുധ പോരാട്ടത്തില്‍ പങ്കാളികളാകണമെന്നുമാണ് പോസ്റ്ററിലുളളത്.
പ്രദേശത്തെ കച്ചവടക്കാരായ ചിലരുടെ പേരുള്‍പ്പെടെ പരാമര്‍ശിച്ച് ഇവര്‍ കര്‍ഷകരെ ചൂഷണം ചെയ്യുന്നത് നിര്‍ത്തണമെന്നും കര്‍ഷകര്‍ക്ക് ന്യായമായ വില നല്‍കണമെന്നും പോസ്റ്ററില്‍ ആവശ്യപ്പെടുന്നു. സംഭവത്തില്‍ തൊണ്ടനാട് പോലീസ് കേസെടുത്ത് അന്വേഷണം ആരംഭിച്ചു.