നിയമസഭാതെരഞ്ഞെടുപ്പിന്‍റെ ഭാഗമായുള്ള തെരഞ്ഞെടുപ്പ് പര്യടനത്തിന് ധർമടം മണ്ഡലത്തിൽ തുടക്കമായി. ധർമടം മണ്ഡലം എൽഡിഎഫ് സ്ഥാനാർഥിയും മുഖ്യമന്ത്രിയുമായ പിണറായി വിജയൻ അഞ്ചരക്കണ്ടി ഏരിയയിലെ എട്ടു കേന്ദ്രങ്ങളിൽ പ്രചാരണയോഗങ്ങളിൽ പങ്കെടുത്തു. ചെമ്പിലോട് കോമത്ത് കുന്നുമ്പ്രത്തുനിന്ന് ആരംഭിച്ച പര്യടനം മുഴപ്പാലയിൽ സമാപിച്ചു. വികസനവിരുദ്ധമുന്നണിയായ യുഡിഎഫിന് ഈ തെരഞ്ഞെടുപ്പിൽ ജനങ്ങൾ കനത്ത തിരിച്ചടി നൽകുമെന്നും ജനപക്ഷ വികസനത്തിനും കരുതലിനും ജനങ്ങൾ വീണ്ടും എൽഡിഎഫിന് അധികാരം നൽകുമെന്നും അദ്ദേഹം പറഞ്ഞു. ചെമ്പിലോട് മൂന്നാംബൂത്ത് കണ്‍വന്‍ഷനില്‍ പ്രസംഗിക്കുകയായിരുന്നു അദ്ദേഹം. നേതാക്കളായ സി.എന്‍. ചന്ദ്രന്‍, എന്‍. ചന്ദ്രന്‍, സി.പി. സന്തോഷ് കുമാര്‍, പി. ബാലന്‍ എന്നിവരും കണ്‍വന്‍ഷനിൽ പങ്കെടുത്തു.
മുഖ്യമന്ത്രിയുടെ മണ്ഡലം പര്യടനം ആരംഭിച്ചു
