കണ്ണൂർ: ഇന്ധനവില വർധിപ്പിച്ച് മോട്ടോർ മേഖലയിലെ തൊഴിലാളികളുടെ ജീവിതം ദുരിതപൂർണമാക്കുന്ന കേന്ദ്ര സർക്കാർ നടപടി അവസാനിപ്പിക്കണമെന്ന് മോട്ടോർ തൊഴിലാളി ഫെഡറേഷൻ (ഐഎൻടിയുസി) കണ്ണൂർ ജില്ലാ കൺവൻഷൻ ആവശ്യപ്പെട്ടു. വർധിപ്പിച്ച നികുതിയിൽ സംസ്ഥാന സർക്കാർ ഗണ്യമായ കുറവുവരുത്തി മോട്ടോർ വ്യവസായത്തെ സംരക്ഷിക്കാൻ തയാറാകണമെന്നും യോഗത്തിൽ അഭിപ്രായം ഉയർന്നു. കൺവൻഷൻ കെപിസിസി ജനറൽ സെക്രട്ടറി മാർട്ടിൻ ജോർജ് ഉദ്ഘാടനം ചെയ്തു. എ.പി.രവീന്ദ്രൻ അധ്യക്ഷത വഹിച്ചു. തൊഴിലാളികൾക്കുള്ള ഐഡന്റിറ്റി കാർഡ് വിതരണം ഐഎൻടിയുസി ജില്ലാ പ്രസിഡന്റ് വി.വി. ശശീന്ദ്രൻ നിർവഹിച്ചു. ദേശീയ പ്രവർത്തക സമിതി അംഗം ജോസ് ജോർജ് പ്ലാത്തോട്ടം, കെ.സി. കരുണാകരൻ, പി. ജനാർദ്ധനൻ, എം.കെ.രവീന്ദ്രൻ, എ.എൻ. രാജേഷ്, രാജീവൻ കുന്നത്, ഗുരുദാസൻ എന്നിവർ പ്രസംഗിച്ചു.
previous post