കണ്ണൂർ: പാചക വാതകത്തിന്‍റെയും പെട്രോളിയം ഉത്പന്നങ്ങളുടെയും വിലവർധനവിനെതിരേ ഓൾ കേരള കാറ്ററേഴ്സ് അസോസിയേഷൻ (എകെസിഎ) സംസ്ഥാന വ്യാപകമായി കേന്ദ്ര സർക്കാർ ഓഫീസിനു മുന്നിൽ പ്രതിഷേധം സംഘടിപ്പിക്കുമെന്ന് നേതാക്കൾ പത്രസമ്മേളനത്തിൽ അറിയിച്ചു.
ഇതിന്‍റെ ഭാഗമായി ഒൻപതിന് രാവിലെ 11ന് കണ്ണൂർ ആർഎസ് പോസ്റ്റ് ഓഫീസിലേക്ക് മാർച്ചും പ്രതിഷേധ ധർണയും സംഘടിപ്പിക്കും.
വൈകുന്നേരം നാലിന് സുരക്ഷിത ഭക്ഷണം, സുചിത്വവും സുരക്ഷിതവുമായ പാചകപ്പുര എന്ന സന്ദേശവുമായി കണ്ണൂർ സ്റ്റേറ്റ് ബീച്ച് റിസോർട്ടിൽ പൊതുസമ്മേളനവും ജനറൽബോഡിയും നടക്കും.
തുടർന്ന് നടക്കുന്ന ഭക്ഷ്യസുരക്ഷാ ക്ലാസ് ജില്ലാ ഫുഡ് സേഫ്റ്റി അസി. കമ്മീഷണർ പ്രദീപ് കുമാർ ഉദ്ഘാടനം ചെയ്യും.
ഓഡിറ്റോറിയം ഓണേഴ്സ് അസോസിയേഷൻ ജില്ലാ പ്രസിഡന്‍റ് സി. ജയചന്ദ്രൻ പ്രസംഗിക്കും. പരിപാടിയിൽ കാറ്ററിംഗ് മേഖലയിൽ പുതുതായി ജോലി ചെയ്യുന്നവർക്കും ഉടമകൾക്കുമുള്ള മെംബർഷിപ്പ് നൽകും. മെംബർഷിപ്പ് സംബന്ധിച്ച വിവരങ്ങൾക്ക് 944667 2772, 9447374111 എന്നീ നന്പറുകളിൽ ബന്ധപ്പെടാം. പത്രസമ്മേളനത്തിൽ എകെസിഎ ജില്ലാ പ്രസിഡന്‍റ് പി. ജോയി, ജില്ലാ ജനറൽ സെക്രട്ടറി ജോയിസ് തോമസ്, രക്ഷാധികാരി സി.എം. മഹറൂഫ്, പി. ഉമ്മർ എന്നിവർ പങ്കെടുത്തു.
കാറ്ററിംഗ് ജീവനക്കാർ ധർണയും പൊതുസമ്മേളനവും നടത്തും
