കേളകം: കേരള വ്യാപാരി വ്യവസായി ഏകോപന സമിതി കേളകം യൂണിറ്റിന്റെ നേതൃത്വത്തില്‍ ഗ്രീന്‍ കേരള ക്ലീന്‍ കേളകം എന്ന പദ്ധതിയുടെ ഭാഗമായി പഞ്ചായത്തിന്റെ സഹകരണത്തോടെ വ്യാപാരി സംവാദം സംഘടിപ്പിച്ചു. കേളകം വ്യാപാര ഭവനില്‍ നടന്ന പരിപാടി പഞ്ചായത്ത് പ്രസിഡന്റ് സി.ടി അനീഷ് ഉദ്ഘാടനം നിർവഹിച്ചു . വ്യാപാരി വ്യവസായി ഏകോപന സമിതി കേളകം യൂണിറ്റ് പ്രസിഡന്റ ജോര്‍ജ്കുട്ടി വാളു വെട്ടിക്കല്‍ അധ്യക്ഷനായി .തുടര്‍ന്ന് പഞ്ചായത്ത് പ്രസിഡന്റ് വിവിധ വിഷയങ്ങളില്‍ വ്യാപാരികളുമായി ചര്‍ച്ച നടത്തി. ജനറല്‍ സെക്രട്ടറി ജോസഫ് പാറയ്ക്കല്‍, മേഖല സെക്രട്ടറി എം.എസ് തങ്കച്ചന്‍ ,പഞ്ചായത്ത് അസിസ്റ്റന്റ് സെക്രട്ടറി ജോഷ്വ തുടങ്ങിയവര്‍ സംസാരിച്ചു.
ഗ്രീന്‍ കേരള ക്ലീന്‍ കേളകം പദ്ധതി; കേളകം യൂണിറ്റിന്റെ നേതൃത്വത്തില്‍ വ്യാപാരി സംവാദം സംഘടിപ്പിച്ചു
