കര്‍ഷകരുടെയും ആദിവാസികളുടെയും ജീവിതത്തെ തടസപ്പെടുത്താതെ വയനാട് വന്യജീവി സങ്കേതം സംരക്ഷിക്കണമെന്ന് രാഹുൽ ഗാന്ധി എംപി. കേന്ദ്ര വനം പരിസ്ഥിതി മന്ത്രിക്ക് അയച്ച കത്തിലാണ് രാഹുൽ ഇക്കാര്യം ആവശ്യപ്പെട്ടത്.
നിലവിലെ കരട് വിജ്ഞാപനം ഭാവിയില്‍ പ്രദേശവാസികളെ ദോഷകരമായി ബാധിക്കും. ജനകേന്ദ്രീകൃതമായ സംരക്ഷണ നടപടികളാണ് വേണ്ടതെന്നും രാഹുൽ പറയുന്നു.
അതേസമയം, പരിസ്ഥിതിലോല കരട് വിജ്ഞാപനത്തിനെതിരെ തിങ്കളാഴ്ച വയനാട്ടില്‍ യുഡിഎഫ് പ്രഖ്യാപിച്ച ഹര്‍ത്താല്‍ സമാധാനപരമായിരുന്നു. സംസ്ഥാന സര്‍ക്കാരിന്‍റെ ശിപാര്‍ശ അംഗീകരിച്ചാണ് വിജ്ഞാപന നടപടിയെന്നാണ് കേന്ദ്രത്തിന്‍റെ മറുപടി.