ഇരിട്ടി : കപ്പ ബിരിയാണി കഴിക്കവേ എല്ല് തൊണ്ടയിൽ കുടുങ്ങി യുവാവ് മരിച്ചു. ഉളിക്കൽ മണ്ഡവപ്പറമ്പിലെ കളിയിലഴികത്ത് സുധാകരൻ – ചന്ദ്രിക ദമ്പതികളുടെ മകൻ അജേഷ് (39) ആണ് മരിച്ചത്. ചെങ്കല്ല് ലോറി ഡ്രൈവർ ആണ് .
ഞായറാഴ്ച വൈകുന്നേരത്തോട് കൂടിയാണ് സംഭവം. കപ്പ ബിരിയാണി കഴിച്ചു കൊണ്ടിരിക്കെ എല്ല് തൊണ്ടയിൽ അബദ്ധത്തിൽ കുടുങ്ങുകയായിരുന്നു എന്നാണ് പ്രാഥമിക വിവരം . ഉടൻ തന്നെ ഇരിട്ടിയിലെ സ്വകാര്യ ആശുപത്രിയിലും തുടർന്ന് പരിയാരം മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റ്‌മോർട്ടത്തിനു ശേഷമേ യാഥാർത്ഥ കാരണമെന്തെന്ന് അറിയികുയുള്ളൂ.
ഭാര്യ : സരിത.