Surya | 08 Jul 2022, 02:16 AMപതിമൂന്ന് വർഷമായി കാണാതായ അഞ്ജുവിന്റെ പിതാവിനെ ബഹ്റൈനിൽ കണ്ടെത്തി സാമൂഹിക പ്രവർത്തകരായ ഇരിട്ടി സ്വദേശി അമൽദേവ് പുന്നാടും സുധീർ തിരുനിലത്തും. 13 വർഷമായി വീട്ടുകാരുമായി ബന്ധമില്ലാതിരുന്ന തിരുവനന്തപുരം സ്വദേശിയെ ഒടുവിൽ ബഹ്റൈനിൽ കണ്ടെത്തി. പിതാവിനെ കണ്ടെത്താൻ മകൾ അഞ്ജു സമൂഹ മാധ്യമങ്ങളിലൂടെ നടത്തിയ അഭ്യർഥന സാമൂഹിക പ്രവർത്തകരായ അമൽദേവ് പുന്നാടും സുധീർ തിരുനിലത്തും ഏറ്റെടുക്കുക ആയിരുന്നു. തിരുവനന്തപുരം കുളത്തൂർ ഉച്ചക്കട സ്വദേശിയായ കെ ചന്ദ്രനെ ബഹറിനിലെ സാമൂഹിക പ്രവർത്തകരായ അമൽദേവ് പുന്നാടിന്റെയും സുധീർ തിരുനിലത്തിന്റെയും നേതൃത്വത്തിൽ നടത്തിയ അന്വേഷണത്തിലാണ് കണ്ടെത്തിയത്. അംവാജിൽ നിർമാണത്തൊഴിലാളിയായ ചന്ദ്രൻ മുഹറഖിലാണ് താമസിച്ചിരുന്നത്. വീട്ടുകാരുമായി ഫോണിൽ സംസാരിച്ച ചന്ദ്രൻ നാട്ടിലേക്ക് തിരിച്ചുപോകാനുള്ള സന്നദ്ധതയും അറിയിച്ചു. പിതാവിനെ കണ്ടെത്തിയതിൽ ഏറെ സന്തോഷത്തിലാണ് മകൾ അഞ്ജുവും മറ്റ് കുടുംബാംഗങ്ങളും.
ഇന്ത്യൻ എംബസിയുമായി ബന്ധപ്പെട്ട് യാത്രാരേഖകൾ ശെരിപ്പെടുത്തി ചന്ദ്രനെ നാട്ടിലേക്ക് അയക്കാൻ ഉള്ള നടപടികൾ ആരംഭിച്ചതായി അമൽദേവ് പറഞ്ഞു.