കൊട്ടിയൂർ ഐ.ജെ.എം ഹയർ സെക്കണ്ടറി സ്കൂളിൽ എസ്.എസ് എൽ. സി പരീക്ഷയിൽ ഉന്നത വിജയം കരസ്ഥമാക്കിയ വിദ്യാർത്ഥികളേയും വിവിധ മേഖലകളിൽ പ്രാഗൽഭ്യം തെളിയിച്ച പ്രതിഭകളേയും ആദരിക്കുന്ന ചടങ്ങ് സംഘടിപ്പിച്ചു.പേരാവൂർ നിയോജക മണ്ഡലം എം.എൽ.എ അഡ്വ.സണ്ണി ജോസഫ് വിജയോത്സവം ഉദ്ഘാടനം ചെയ്തു. സ്കൂൾ മാനേജർ ഫാ.ബെന്നി മുതിരക്കാലായിൽ അധ്യക്ഷത വഹിച്ചു.എസ്.എസ്.എൽ.സി പരീക്ഷയിൽ ഉന്നത വിജയം കരസ്ഥമാക്കിയ വിദ്യാർത്ഥികളെ കണ്ണൂർ ജില്ലാ പഞ്ചായത്ത് മെമ്പർ ജൂബിലി ചാക്കോ ഉപഹാരം നൽകി ആദരിച്ചു.വിവിധ മേഖലകളിൽ പ്രാഗൽഭ്യം തെളിയിച്ച വിദ്യാർത്ഥികളെ കൊട്ടിയൂർ ഗ്രാമ പഞ്ചായത്ത് പ്രസിഡൻറ് റോയ് നമ്പു ടാകം ആദരിച്ചു.പഞ്ചായത്ത് വിദ്യാഭ്യാസ സ്റ്റാൻ്റിഗ് കമ്മറ്റി ചെയർപേഴ്സൺ ജീജ ജോസഫ് എൻഡോവ്മെൻ്റ് വിതരണം ചെയ്തു.വാർഡ് മെമ്പർ ജെസ്സി ഉറുമ്പിൽ സർട്ടിഫിക്കറ്റുകൾ വിതരണം ചെയ്തു. സ്കൂൾ ഹെഡ്മാസ്റ്റർ ബിനു തോമസ്,പ്രിൻസിപ്പാൾ എം.എ മാത്യു, പി.റ്റി.എ പ്രസിഡൻ്റ് തങ്കച്ചൻ കല്ലടയിൽ, സീനിയർ അസിസ്റ്റൻ്റ് ലാലി ജോസഫ്, സ്റ്റാഫ് സെക്രട്ടറി റിജോയ് എം.എം, വിദ്യാർത്ഥി പ്രതിനിധി ടെസ്സ തെരേസ് ലിജോ എന്നിവർ സംസാരിച്ചു.
previous post