ബഫർസോൺ വനത്തിനകത്തു തന്നെ നിലനിർത്തണമെന്ന ആവശ്യവുമായി അതിശക്തമായ സമര പരിപാടികൾക്കു സംസ്ഥാനമൊട്ടാകെ നേതൃത്വം നൽകുമെന്നു കത്തോലിക്ക കോൺഗ്രസ് രാഷ്ട്രീയകാര്യസമിതി അറിയിച്ചു.
രൂപത – മേഖല തല സമ്മേളനങ്ങളും കൺവൻഷനുകളും വിളിച്ചു ചേർത്ത് സംസ്ഥാനമൊട്ടാകെയും രാജ്യ തലസ്ഥാനത്തും ശക്തമായ സമര പരിപാടികളും ജനകീയ പ്രക്ഷോഭങ്ങളും പ്രതിഷേധ സദസുകളും സംഘടിപ്പിക്കും. മനുഷ്യനു തെല്ലും വില കൽപ്പിക്കാത്ത തരത്തിലുള്ള, അല്ലെങ്കിൽ മനുഷ്യനേക്കാൾ വന്യ മൃഗങ്ങൾക്കു കൂടുതൽ പ്രാധാന്യം നൽകുന്ന ബഫർ സോൺ കരിനിയമം പിൻവലിക്കുന്നത് വരെ അതിശക്തമായ സമര പരിപാടികൾ സംഘടിപ്പിക്കും.
സർക്കാർ തലത്തിൽ ബഫർ സോൺ വിധിയെ മറി കടക്കാനുള്ള നിയമ നിർമാണം നടത്താനുള്ള നടപടികൾക്കായി ശക്തമായ സമ്മർദ്ദം ചെലുത്തുവാനും കത്തോലിക്കാ കോൺഗ്രസ് രാഷ്ട്രീയ കാര്യ സമിതി യോഗം തീരുമാനിച്ചു . ഗ്ലോബൽ പ്രസിഡന്‍റ് അഡ്വ ബിജു പറയന്നിലം അധ്യക്ഷത വഹിച്ചു.