വിയറ്റ്നാം വ്യോമസേനയ്ക്ക് ഉദാര സംഭാവന നൽകി ഇന്ത്യ. വിയറ്റ്നാം വ്യോമസേനാ പരിശീലന ഇൻസ്റ്റിറ്റ്യൂട്ടിൽ ഭാഷാ-ഐടി ലബോറട്ടറി സ്ഥാപിക്കുന്നതിനായി ഒരു ദശലക്ഷം യുഎസ് ഡോളർ (ഏകദേശം 7.7 കോടി രൂപ) ഇന്ത്യ സംഭാവന നൽകിയെന്നു പ്രതിരോധമന്ത്രി രാജ്നാഥ് സിംഗ് അറിയിച്ചു. മൂന്നു ദിവസമായി പ്രതിരോധമന്ത്രി വിയറ്റ്നാമിലുണ്ട്.
ഇന്ത്യ നൽകിയ അഞ്ചു ദശലക്ഷം ഡോളറിന്റെ ഗ്രാന്റ് ഉപയോഗിച്ചു നിർമിച്ച ആർമി സോഫ്റ്റ്വേർ പാർക്ക് പ്രവർത്തിക്കുന്ന നാ ട്രാംഗിലെ ടെലികമ്യൂണിക്കേഷൻസ് യൂണിവേഴ്സിറ്റിയും രാജ്നാഥ് സന്ദർശിച്ചു. ദക്ഷിണചൈനാ കടലിലെ വിയറ്റ്നാം ജലമേഖലയിൽ ഇന്ത്യ എണ്ണ പര്യവേക്ഷണ പദ്ധതികൾ നടത്തുന്നതിനാൽ രാജ്നാഥ് സിംഗിന്റെ സന്ദർശനത്തിന് ഏറെ പ്രാധാന്യമുണ്ട്.