കണ്ണൂർ: ആറു മുതല്‍ പതിനൊന്നാം ക്ലാസ് വരെയുള്ള സ്‌കൂള്‍ വിദ്യാഥികള്‍ക്ക് കേരളത്തിലെ മുന്‍നിര സ്പോര്ട്സ് സ്‌കൂളുകളിലേക്കുള്ള സെലക്‌ഷന്‍ ട്രയൽസ് 30ന് കണ്ണൂർ പോലീസ് പരേഡ് ഗ്രൗണ്ടിൽ നടക്കും. അത്‌ലറ്റിക്‌സ്, ബോക്‌സിംഗ്, ജൂഡോ, ക്രിക്കറ്റ്, തായ്ക്വൊണ്ടോ, വോളിബോള്‍, ബാസ്‌കറ്റ്‌ബോള്‍, ഹോക്കി, റസ്‌ലിംഗ് തുടങ്ങിയ കായിക ഇനങ്ങള്‍ക്കുള്ള സെലക്‌ഷനാണ് നടത്തുന്നത്. വിദ്യാര്‍ഥികള്‍ ജനന സര്‍ട്ടിഫിക്കറ്റും ആധാര്‍ കാര്‍ഡും രണ്ടു ഫോട്ടോയും സഹിതം രാവിലെ എട്ടിന് മുന്പായി ഗ്രൗണ്ടിൽ ഹാജരാകണം.
ആറ്, ഏഴ് ക്ലാസുകളിലേക്ക് ജനറൽ ടെസ്റ്റ് വഴിയും ഒന്പത്, പത്ത് ക്ലാസുകളിലെ സീറ്റിലേക്ക് സംസ്ഥാന തല മെഡൽ ജേതാക്കൾക്കും എട്ട്, പ്ലസ് വൺ ക്ലാസുകളിലേക്ക് ജനറൽ ടെസ്റ്റിനൊപ്പം ഗെയിം പ്രവീണ്യം കൂടി പരിഗണിച്ചാകും പ്രവേശനം. തിരുവനന്തപുരം ജി.വി. രാജ സ്പോര്ട്സ് സ്‌കൂള്‍, കണ്ണൂര്‍ സ്പോര്ട്സ് സ്‌കൂള്‍, തൃശൂർ സ്പോര്ട്സ് ഡിവിഷന്‍ എന്നിവിടങ്ങളിലേക്കുള്ള ആറു മുതല്‍ 11 വരെ ക്ലാസുകളിലേക്കുള്ള സെലക്‌ഷന്‍ ട്രയല്‍സാണ് നടത്തുന്നത്.