കുടുംബശ്രീ മിഷന്റെ വിഷു ചന്തയ്ക്ക് തുടക്കം.

പേരാവൂർ:കൊട്ടിയൂർ ഗ്രാമപഞ്ചായത്ത് കുടുംബശ്രീ CDS ന്റെ ആഭിമുഖ്യത്തിൽ വിഷു ചന്ത ആരംഭിച്ചു. പഞ്ചായത്ത് വൈസ് പ്രസിഡന്റ് ശ്രീമതി ഫിലോമിന തുമ്പൻതുരുത്തിയിൽ ഉദ്ഘാടനം നിർവ്വഹിച്ചു. ഉദ്ഘാടനയോഗത്തിൽ അസിസ്റ്റന്റ് സെക്രട്ടറി ശ്രീ രമേശ് ബാബു
സ്വാഗതം പറഞ്ഞു. CDS ചെയർ പേഴ്സൺ ശ്രീമതി ബീന പുതുശ്ശേരി അദ്ധ്യക്ഷസ്ഥാനം നിർവ്വഹിച്ചു. മെമ്പർ എ.ടി തോമസ് ആശംസ അർപ്പിച്ചു. കുടുംബശ്രീ അംഗങ്ങൾ ഉൽപാദിപ്പിക്കുന്ന ഉൽപന്നങ്ങൾ വിറ്റഴിക്കുക എന്ന ഉദ്ദേശത്തോടെയാണ് കുടുംബശ്രീ ജില്ലാ മിഷൻ വിഷു ചന്ത ആരംഭിച്ചിരിക്കുന്നത്. വിഷരഹിത ഗുണമേൻമയുള്ള പച്ചക്കറികളാണ് മേളയുടെ പ്രധാന ആകർഷണം.