പേരാവൂർ ടൗണിലെത്തുന്നവർക്ക് റോഡ് മുറിച്ചുകടക്കാൻ സീബ്രാലൈനുകൾ ഇല്ലാത്തത് അപകടമൊരുക്കുന്നതായി പരാതി. നിലവിലുള്ള സീബ്രാലൈനുകൾ മാഞ്ഞതും ഉള്ളയിടങ്ങളിൽ ബോർഡ് സ്ഥാപിക്കാത്തതുമാണ് റോഡ് മുറിച്ചുകടക്കുന്നവർക്ക് അപകടമൊരുക്കുന്നത്. ഇതിനെതിരേ നടപടിയാവശ്യപ്പെട്ട് പേരാവൂർ സ്വദേശി കെ. വി. അനീഷ് ബന്ധപ്പെട്ട അധികൃതർക്ക് മാർച്ച് 11 ന് പരാതി നൽകി. പേരാവൂർ-തലശ്ശേരി റോഡിലും കൊട്ടിയൂർ റോഡിലും ഇരിട്ടി റോഡിലും മുൻപ് സീബ്രാലൈനുകളിട്ടിരുന്നു. ഇവയിൽ ചിലത് പൂർണമായും മാഞ്ഞുപോയിട്ടുണ്ട്. സീബ്രാലൈനുകൾ ഉള്ളിടങ്ങളിൽ സൂചന ബോർഡ് സ്ഥാപിക്കാനും മാഞ്ഞുപോയയിടങ്ങളിൽ സീബ്രാലൈനുകൾ പുനഃസ്ഥാപിക്കാനുമാവശ്യപ്പെട്ടാണ് പരാതി നൽകിയത്.
സീബ്രാലൈനുകൾ ഇല്ലാത്തത് അപകട ഭീഷണിയുയർത്തുന്നു
