ഇരിട്ടി: ഉളിക്കൽ പരിക്കളം ശാരദാ വിലാസം എ യു പി സ്കൂളിനായി പുതുതായി നിർമ്മിച്ച ചുറ്റുമതിൽ, പ്രവേശന കവാടം, കുട്ടികളുടെ പാർക്ക്, ബസ് കാത്തിരിപ്പുകേന്ദ്രം എന്നിവയുടെ ഉദ്ഘാടനം ചൊവ്വാഴ്ച നടന്നു. പരിക്കളം എഡ്യുക്കേഷണൽ സൊസൈറ്റിക്ക് കീഴിൽ പ്രവർത്തിക്കുന്ന സ്കൂൾ ഐ എസ് ഒ അംഗീകാരമുള്ള ജില്ലയിലെ ആദ്യ വിദ്യാലയമാണ് . പ്രവേശന കവാടത്തിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് പി.പി. ദിവ്യയും, കുട്ടികളുടെ പാർക്കിന്റെ ഉദ്ഘാടനം ഐ സി ആർ ബി പ്രസിഡന്റ് കെ. ശ്രീധരനും, ബസ് കാത്തിരിപ്പു കേന്ദ്രം ഉളിക്കൽ പഞ്ചായത്ത് പ്രസിഡന്റ് പി.സി. ഷാജിയും നിർവഹിച്ചു. സ്കൂൾ മാനേജർ ബിനോയ് കുര്യൻ അദ്ധ്യക്ഷത വഹിച്ചു. പ്രഥമാദ്ധ്യാപിക ഇ.ജെ. ലില്ലിക്കുട്ടി റിപ്പോർട്ട് അവതരിപ്പിച്ചു. ഇരിക്കൂർ എ ഇ ഒ ദിനേശൻ കേയന്റവിട, ഇരിക്കൂർ സബ്ജില്ലാ ബി പി ഒ സുനിൽകുമാർ, ജില്ലാ പഞ്ചായത്തംഗം ലിസി ജോസഫ്, ഇരിക്കൂർ ബ്ലോക്ക് പഞ്ചായത്ത് വൈസ് പ്രസിഡന്റ് ഒ.എസ്. ലിസ്സി, പഞ്ചായത്തു മെമ്പർമാരായ കോയാടൻ രാമകൃഷ്ണൻ, ഷൈമ ഷാജു, പി ടി എ പ്രസിഡന്റ് കെ. രജീഷ്, മദർ പി ടി എ പ്രസിഡന്റ് ഓമന ജോർജ്ജ്, കെ.വി. സക്കീർ ഹുസ്സൈൻ, കെ.എ. ദാസൻ, പി.വി. ഉഷാദ്, കെ.കെ. സുരേഷ് കുമാർ, കെ.എസ് ഷിബു എന്നിവർ സംസാരിച്ചു. സൊസൈറ്റി ഡയറക്ടർ വി.ബി. ഷാജു സ്വാഗതവും പ്രസിഡന്റ് വി.കെ. രാജൻ നന്ദിയും പറഞ്ഞു.