തദ്ദേശ സ്ഥാപനങ്ങളുടെ മുഴുവൻ സേവനവും ഏപ്രിലോടെ പൂർണമായും ഓൺലൈനിലാക്കുമെന്ന്‌ മന്ത്രി എം വി ഗോവിന്ദൻ പറഞ്ഞു. സാധാരണക്കാർക്ക്‌ കാത്തുകിടക്കേണ്ട സ്ഥിതി ഉണ്ടാകരുത്‌. തദ്ദേശ സ്ഥാപനങ്ങൾ ഏകീകൃത വകുപ്പിന്‌ കീഴിലാകുന്നതോടെ കൂടുതൽ ജനകീയമാകുമെന്നും വാർത്താ സമ്മേളനത്തിൽ അദ്ദേഹം പറഞ്ഞു.
നടപ്പ്‌ സാമ്പത്തിക വർഷം പദ്ധതി വിനിയോഗത്തിൽ കുറവുണ്ടാകുമെന്ന ആശങ്കയ്‌ക്ക്‌ അടിസ്ഥാനമില്ല. ചില പദ്ധതികളിൽ കേന്ദ്ര വിഹിതം ലഭ്യമാകുന്നതിലെ താമസത്താലാണ്‌ കണക്കുകളിൽ നിലവിൽ കുറവ്‌ കാണിക്കുന്നതെന്നും തദ്ദേശഭരണ അഡീഷണൽ ചീഫ്‌ സെക്രട്ടറി ശാരദ മുരളീധരൻ ചോദ്യത്തിന്‌ മറുപടിയായി പറഞ്ഞു.