കോവിഡ് നിയന്ത്രണങ്ങളിൽ കൂടുതൽ ഇളവുകൾ പ്രഖ്യാപിച്ച് സംസ്ഥാനങ്ങൾ . ഹരിയാനയിലെ കോവിഡ് നിയന്ത്രണങ്ങൾ പിൻവലിച്ചു. ഡൽഹിയിൽ നിയന്ത്രണങ്ങൾ പൂർണമായി പിൻവലിക്കുന്നതിന് സംസ്ഥാന ദുരന്ത നിവാരണ അഥോറിറ്റി ശിപാർശ ചെയ്തു.
ഹരിയാനയിൽ പ്രാബല്യത്തിലുള്ള നിയന്ത്രണങ്ങൾ പൂർണമായും പിൻവലിക്കുന്നതിന് ഹരിയാന സംസ്ഥാന ദുരന്ത നിവാരണ അഥോറിറ്റി ഉത്തരവിറക്കി. ആളുകൾ തുടർന്നും പൊതുഇടങ്ങളിൽ കോവിഡ് മാനദണ്ഡങ്ങൾ പാലിക്കണമെന്നും ഹരിയാന സർക്കാർ അറിയിച്ചു.
കോവിഡ് കേസുകളിൽ വൻ വർധനയുണ്ടായതിനെ തുടർന്ന് ഹരിയാനയിൽ ഒരുമാസത്തിലേറെയായി അടഞ്ഞു കിടക്കുന്ന സ്കൂളുകൾ പത്തിനു തുറന്നിരുന്നു. ഓണ്ലൈൻ ക്ലാസുകൾക്ക് തടസമില്ല. ഡൽഹിയിൽ രാത്രി പത്തു മുതൽ പുലർച്ചെ അഞ്ചു വരെയുള്ള കർഫ്യൂ ഇപ്പോഴും പ്രാബല്യത്തിലുണ്ട്.