കണ്ണൂര് റൂറല് ജില്ലാ പരിധിയിലെ വിവിധ പോലീസ് സ്റ്റേഷനുകളില് അവകാശികളില്ലാതെ കെട്ടിക്കിടക്കുന്ന വാഹനങ്ങള് ഈ മാസം 21 ന് ലേലം ചെയ്യും. 143 വാഹനങ്ങളാണ് ലേലം ചെയ്യുന്നതെന്ന് തളിപ്പറമ്പ് ഡി വൈ എസ് പി ടി.കെ. രത്നകുമാര് പറഞ്ഞു. ഇക്കഴിഞ്ഞ ഡിസംബറിലും കണ്ണൂര് റൂറല് പോലീസ് ജില്ലയിലെ സ്റ്റേഷനുകളില് കെട്ടിക്കിടക്കുന്ന 180 ഓളം വാഹനങ്ങള് ഇത്തരത്തില് ലേലം ചെയ്തിരുന്നു. ഇതിന്റെ തുടര്ച്ചയായാണ് 21 ന്റെ ലേലം. രാവിലെ 11 മുതല് ഉച്ച കഴിഞ്ഞ് 3.30 വരെയാണ് ഓണ്ലൈനായി ലേലം നടക്കുക. എം എസ് ടി സി ലിമിറ്റഡിന്റെ വെബ്സൈറ്റില് ബയര് ആയി രജിസ്റ്റര് ചെയ്ത് ലേലത്തില് പങ്കെടുക്കാമെന്ന് തളിപ്പറമ്പ് ഡി വൈ എസ് പി പറഞ്ഞു.