പേരാവൂര്: തുടര്ച്ചയായ പത്താം വര്ഷവും ജില്ല മിനി സബ് ജൂണിയർ ആര്ച്ചറി ചാമ്പ്യന്ഷിപ്പില് തൊണ്ടിയിൽ സാന്ത്വനം സ്പോര്ട്സ് ക്ലബ്ബ് ഓവറോള് ചാമ്പ്യന്മാരായി.കോതമംഗലം എം.എ. കോളജില് 24,25 തീയതികളില് നടക്കുന്ന സംസ്ഥാന ചാമ്പ്യന്ഷിപ്പിലേക്ക് യോഗ്യത നേടിയ 31 പേരും സാന്ത്വനം സ്പോര്ട്സ് നിന്നുള്ളവരാണ്. ഇന്ത്യന് റൗണ്ട് മിനി ഗേള്സ് വിഭാഗത്തില് യഥാക്രമം അളകനന്ദ സ്വര്ണവും എം.എന് റിത്വിക വെള്ളിയും ആര്യനന്ദ രമേശ് വെങ്കലവും നേടി. അർച്ചന രാജനാണ് നാലാം സ്ഥാനം. ഇന്ത്യന് റൗണ്ട്ബോയ്സ് വിഭാഗത്തില് ആദിദേവ് സുജിത് സ്വര്ണവും എ. ആകാശ് വെള്ളിയും എം. അനുനന്ദ് വെങ്കലവും നേടിയപ്പോൾ ബാസിം സമാൻ നാലാം സ്ഥാനത്തെത്തി. ഗേള്സ് വിഭാഗത്തില് ശ്രീരുദ്ര വിനോദ് സ്വർണവും റിയമാത്യു വെങ്കലവും കരസ്ഥമാക്കി. അൻസിയ എസ്.പ്രദീപ് നാലാം സ്ഥാനത്തെത്തി. സബ് ജൂണിയർ ബോയിസ് വിഭാഗത്തില് യഥാക്രമം എം. അഭിജിത്, കെ.ഇ നന്ദു, കെ.എസ് അശ്വിന് എന്നിവർ സ്വർണവും വെള്ളിയും വെങ്കലവും കരസ്ഥമാക്കി. എൻ. യാസിൻ നാലാം സ്ഥാനം നേടി. വിജയികൾക്ക് സണ്ണി ജോസഫ് എംഎൽഎ മെഡലുകൾ സമ്മാനിച്ചു.തങ്കച്ചന് കോക്കാട്ട്, പ്രദീപന് പുത്തലത്ത് എന്നിവർ പ്രസംഗിച്ചു.