കൊട്ടിയൂർ : കേരളത്തിലെ യുവജനങ്ങൾക്കിടയിൽ നൂതന ആശയങ്ങളും കണ്ടെത്തലുകളും പ്രോത്സാഹിപ്പിക്കുന്ന കേരള ഡെവലപ്മെന്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിലിന്റെ (K-DISC ) മുൻനിര പരിപാടിയായ യങ് ഇന്നൊവേറ്റേഴ്സ് പ്രോഗ്രാം-2020 (YIP-2020 )ൽ കണ്ണൂർ ജില്ലയെ പ്രതിനിധീകരിച്ച കൊട്ടിയൂർ ഐ ജെ ഐ ജെ എം ഹയർസെക്കൻഡറി സ്കൂളിലെ രണ്ട് ടീമുകളും സംസ്ഥാനതലത്തിൽ മികച്ച വിജയം കൈവരിച്ചു.
2004 ടീമുകൾ മത്സരിച്ചതിൽ നിന്നും 96 ടീമുകളാണ് തെരഞ്ഞെടുക്കപ്പെട്ടത്. അസിസ്റ്റീവ് ടെക്നോളജിയിൽ മത്സരിച്ച സിയ ബെന്നി – അന്ന മരിയ ജിജി ടീമിന് മൂന്നാം സ്ഥാനവും കാലാവസ്ഥാവ്യതിയാനവും ദുരന്തനിവാരണവും എന്ന മേഖലയിൽ മത്സരിച്ച ജിനോമോൻ എം ജെ – അനൂപ് മാത്യു ടീമിന് എൺപത്തിയൊന്നാം സ്ഥാനവും ലഭിച്ചു. സ്കൂളിലെ സയൻസ് അധ്യാപികയായ ഷിൻസി തോമസ് ആണ് ഗൈഡ്.
കേരളത്തിലുടനീളമുള്ള വിവിധ സ്കൂളുകൾ, ഐ ടി ഐ, ആർട്സ് ആൻഡ് സയൻസ്, പോളിടെക്നിക്ക്, മെഡിക്കൽ, എൻജിനീയറിംഗ്, അക്കാദമിക് ഗവേഷണം നടത്തുന്നവരിൽ ആയിരക്കണക്കിന് വിദ്യാർഥികളാണ് YIP 2020ൽ പങ്കെടുത്തത്.